Əlilliyi olan şəxslərin məşğulluq qabiliyyətlərinin artırılması proqramı

0

Əlilliyi olan şəxslərin məşğulluq qabiliyyətlərinin artırılması proqramı

BP və onun tərafdaşlarının Azərbaycan Respublikası Əmək və Əhalinin Sosial Müdafiəsi Nazirliyi ilə əməkdaşlıqda Bakı şəhərində həyata keçirdiyi “Əlilliyi olan şəxslərin məşğulluq qabiliyyətlərinin artırılması” proqramına ərizə qəbulu elan edilir. Proqram British Council tərəfindən icra olunur.

Layihə barədə məlumat

Layihənin əsas məqsədi Bakı şəhərində yaşayan əlilliyi olan şəxslərin məşğulluq bacarıqlarını inkişaf etdirmək və onların iş perspektivlərini artırmaqdır. Layihədə iştirak etmək üçün Bakı şəhərində yaşayan 100 nəfər əlilliyi olan şəxs seçilərək ingilis dili, kompüter bacarıqları və sosial bacarıqların inkişaf etdirilməsi istiqamətində təlimlərə cəlb ediləcəklər. Layihə çərçivəsində iştirakçılara həm də psixoloji dəstəyin göstərilməsi və məşğulluq üzrə müvafiq məsləhətlərin verilməsi də nəzərdə tutulmuşdur.

Proqram iştirakçılarının gələcək iş perspektivlərinin artırılması məqsədilə layihə çərçivəsində
müvafiq istiqamətdə fəaliyyət göstərən qərarverici tərəflər və biznes müəssisələri tərəfdaş qismində layihəyə cəlb ediləcək.

Aşağıda qeyd olunmuş seçim meyarlarına uyğun gələn şəxslər layihədə iştirak etmək üçün müraciət edə bilərlər.

Proqramda iştirak etmək üçün tələb olunan şərtlər:
Əlilliyi olan şəxslər (I, II, III əlillilik qrupu)
Yaş həddi: 18-40
Yaşayış yeri: Bakı şəhəri
Tələb olunan minimal təhsil səviyyəsi: orta təhsil
Azərbaycan dili (səlis yazmaq və danışmaq)
Öyrənmək və işləmək üçün yüksək motivasiyaya malik olmaq
Liderlik potensialı olan və ictimai həyatda fəal olan şəxslərə üstünlük veriləcək
Baza kompüter (zəruridir) və minimal ingilis dili bacarıqları (arzuolunandır)
Dövlət Məşğulluq Mərkəzində qeydiyyat/Məşğulluq Mərkəzinin işsizlik statusu haqqında arayışı (arzuolunandır)

Proqrama müraciət etmək üçün tələb olunan sənədlərin siyahısı:
Doldurulmuş ərizə forması
CV forması
Əmək və Əhalinin Sosial Müdafiəsi Nazirliyinin “Tibbi-Sosial Ekspert Komissiyaları tərəfindən keçirilmiş müayinə barədə məlumatın verilməsi” elektron xidmətindən çıxarılmış əlillik barədə elektron arayış (https://www.e-gov.az/az/login/index/?return=/az/services/read/3481/0)

Layihə aşağıdakı mərhələlərdən ibarətdir:

Seçim mərhələsi
Ərizələrin qəbulu: Ərizələrin qəbulu British Council tərəfindən həyata keçirilir.
Maraqlanan şəxslər ərizə formasını British Council-ın internet səhifəsindən (www.britishcouncil.az/events/pwd) yükləyə bilərlər. Doldurulmuş ərizə, CV forması ilə birlikdə 20 fevral 2018-ci il tarixindən gec olmayaraq [email protected] elektron poçt ünvanına göndərilməlidir. Zəhmət olmasa məktubun mövzu (Subject) hissəsində “Əlilliyi olan şəxslər üçün proqram” qeyd edin.
Qəbul olunan ərizələrə bu layihə çərçivəsində təyin edilmiş, British Council və layihədə iştirak edən digər tərəflərin nümayəndələrinin də daxil olduğu Seçki Komitəsi baxacaq və seçim meyarlarına uyğun olaraq seçilmiş namizədlər müsahibələrə dəvət olunacaqlar.
Müsahibə: Müsahibələr layihə çərçivəsində təyin edilmiş Seçki Komitəsi tərəfindən həyata keçiriləcək. Müsahibələrdən uğurla keçən şəxslər proqramda iştirak etmək hüququ əldə edəcəklər.

Qeyd: Proqrama yalnız həqiqi yaşayış yeri Bakı şəhəri olan şəxslər müraciət edə bilərlər. British Council namizədlərin ərizə formasında yaşayış yeri, əlillik, təhsil, iş və ya digər kriteriyalar üzrə təqdim etdiyi məlumatların həqiqiliyini yoxlamaq üçün əlavə sənədlər tələb edə bilər.

Təlimlər
Layihədə iştirak etmək üçün 100 nəfər şəxs seçiləcək. Seçilmiş şəxslərin ilkin mərhələdə bilik və bacarıqları müvafiq ekspert tərəfindən qiymətləndiriləcək. İştirakçılar qiymətləndirilmə əsasında səviyyələr üzrə qruplara bölünərək təyin olunmuş fəaliyyət cədvəlinə uyğun olaraq 2018-ci il ərzində təlimlərə cəlb ediləcəklər. Təlimlər Azərbaycan dilində keçiriləcək.
Təlimlər aşağıdakı istiqamətlərdə həyata keçiriləcək:
İngilis dili üzrə təlimlər
Kompüter üzrə təlimlər (ilkin bacarıqlar, veb dizayn, proqramlaşdırma)
Sosial bacarıqların inkişaf etdirilməsi üzrə təlimlər

Proqram çərçivəsində iştirakçılar üçün psixoloji konsultasiyaların keçirilməsi də nəzərdə tutulub.

Təlimlər 2018-ci il ərzində 9 ay müddətində keçiriləcək.

Əlavə məlumat üçün əlaqə saxlaya bilərsiniz:

Nigar Nəsrullayeva
Proqram üzrə menecer
British Council Azərbaycan
[email protected]
T + 994 12 497 15 93
F + 994 12 498 92 36

British Council bərabər imkanlar siyasətinin tərəfdarıdır və müxtəlifliyi təbliğ edir.

riz_formasi_-_lilliyi_olan_sxslrin_msgulluq_qabiliyytlrinin_artirilmasi_uzr_proqram_0

BIR CAVAB YAZIN

Şərhinizi daxil edin!
Adınızı bura daxil edin