Problem Nümunəsində Öyrənmə Layihəsi

Hörmətli tibb tələbləri,
Azərbaycan Həkimlər və Təbib Tələbələr Birliyinin təşkil etdiyi növbəti Problem Nümunəsində Öyrənmə layihəsi ilə yenidən qarşınızdayıq. Tədbir Azərbaycan Tibb Universitetinin Tədris Terapevtik Klinikasında 10 mart 2018-ci il tarixində, saat 14:00-da baş tutacaq. Pasiyentin şikayətlərini dəyərlədirmək, protokola uyğun anamnez toplamaq, bizimlə birlikdə diaqnozu təyin etmək ən əsası öyrəndiklərinizi praktikada yoxlamaq istəyirsinizsə qeydiyyatdan keçə bilərsiniz.

Tədbir interaktiv tədbirdir və iştirak online qeydiyyatladır. Qeydiyyat üçün ad və soyadınızı, fakultənizi, kursunuzu qeyd edərək
azermds.scome@gmail.com ünvanına göndərməyiniz kifayətdir.

Qeyd edək ki, Azərbaycan Həkimlər və Təbib Tələbələr Birliyi (qısa formada AzerMDS) 1991-ci ildə yaradılıb və 2005-ci ildən Beynəlxalq Tibb Tələbəri Assosiasiyası Federasiyasının (IFMSA)
üzvüdür. IFMSA 1951-ci ildə yaradılıb və ən qədim və ən çox izləyici kütləsinə malik olan, 127 ölkədən 1,3 milyon tibb tələbəsini birləşdirən tibb tələbələri birliyidir.