BP-də Təcrübə proqramı!

0

Bizimlə möştəşəm karyeraya başlamaq üçün ilk addım atmağa hazırsınız? Təcrübə proqramının tərkib hissəsi kimi sizə bu imkanı yaradırıq. Bu fürsəti əldən verməyin və proqram üçün müraciət edin. Proqramla bağlı tələblərlə tanış olun.

İlk addım kimi karyera üçün bizim şirkətdə keçəcəyiniz təcrübə proqramından yaxşı nə ola bilər? Siz hiss edilən faydalar və ölçülə bilən nəticələr verən real layihələr üzərində işləyəcəksiniz. Bununla yanaşı, qarşılaşdığımız ən vacib çətinliklərdən bəziləri haqqında öyrənmək və onların həllinə kömək etmək imkanınız olacaq.

BU NƏDIR?

Tələbələr üçün yay təcrübə proqramı BP şirkətində yay tətili zamanı 10 həftəlik çalışmaq imkanıdır. Təcrübəniz müddətində siz rəqabətə davamlı əmək haqqı alacaq, əsl komanda işi ilə tanış olacaq və ən son avadanlıq və texnologiyalardan istifadə etməklə yüksək dərəcədə ixtisaslı və təcrübəli əməkdaşlarla birlikdə çalışaraq enerji dolu layihələrdə və əməliyyatlarda iştirak edecəksiniz. Karyera təşəbbüslərinizi üzə çıxarmaq və müvəffəqiyyətli karyera üçün sizə lazım olacaq texniki və fərdi bacarıqlarınızı inkişaf etdirmək imkanı qazanacaqsınız.

BU NECƏ BAŞ VERIR?

Təcrübənizin başlanğıcında biz sizin təcrübə zamanı inkişaf etdirə biləcəyiniz bacarıqları müzakirə edəcək və sizi proqram boyu inkişafınızı qiymətləndirməyə həvəsləndirəcəyik. Bütün təcrübə keçənlərə menecerlər yardım edəcəkdir. Onlar sizinlə birlikdə işin məqsədlərini müəyyən edəcək və bu məqsədlərə nail olmaq üçün sizə lazımi dəstəyi göstərəcək, avadanlıqlarla təmin edəcəkdir.

Təcrübənizdən maksimum dərəcədə istifadə etmək üçün təfsilatlı və mərkəzləşdirilmiş qiymətləndirmə prosesi çox vacibdir. Meneceriniz sizin inkişafınıza nəzarət edəcək, bütün təcrübə boyu və əsasən də proqram müddətinin ortasında aparılan qiymətləndirmə zamanı bu barədə sizinlə müzakirə aparacaq. Bu sizə təcrübə zamanı hansı nəticələrə nail olmağınızı görməyə və təcrübənin tamamlanmasına qədər əlavə hansı bilik və bacarıqlara ehtiyacınız olduğunu müəyyən etməyə yardım edir.

Bundan əlavə, təcrübə zamanı BP şirkəti daxilində əməkdaşlarla əlaqə qurmağa köməklik göstərən, irəliləyişlərinizi müzakirə edən və yaranan hər bir sualınıza cavab verə biləcək bir iş yoldaşı təyin olunacaq.

KİM ƏRIZƏ VERƏ BILƏR?

Bakalavr və ya magistr dərəcələri üzrə təhsilini 2019-ci ildə bitirən bütün tələbələr 2018-ci il təcrübə proqramında iştirak üçün müraciət edə bilərlər.

Yalnız Azərbaycan Respublikasının vətəndaşları bu proqramda iştirak edə bilərdilər.

NECƏ ƏRIZƏ VERMƏLI?

BP Azərbaycanın 2019-ci il üzrə təcrübə proqramına ərizə qəbulu başlayıb. Ərizələrin qəbulu üçün son tarix 1 dekabr, 2018-ci ildir.

Ərizələrin qəbulu və seçim prosesi haqqında ətraflı məlumatı saytımızın Seçim prosesi bölməsindən əldə edə bilərsiniz. Hər hansı əlavə məlumat üçün grads&[email protected] elektron poçt vasitəsi ilə müraciyət edə bilərsiniz.

Seçim prosesi

Təcrübə və məzun proqramlarında iştirak, seçim prosesi, ərizənin doldurulması, imtahanla bağlı suallarınıza cavab tapmaq istəyirsiniz? Elə isə, bu bolmədəki məlumatlar və faydalı məsləhətlər ilə tanış olun.

people-students-at-career-exhibition.jpg

Birinci mərhələ – Onlayn ərizə formasının doldurulması

Hansı ixtisasın sizə uyğun gəldiyini öyrənmək üçün Ixtisas uyğunluğu sənədini yoxlayın.

Proqramda iştirak etmək üçün Ərizə formasını doldurun.

people-interns.jpg

Ikinci mərhələ – İngilis dili və qabiliyyət imtahanları

Birinci mərhələdən uğurla keçən namizədlər ingilis dili və bacarıq testlərinə dəvət olunur.

İngilis dili üzrə test nümunəsi
Rəqəmsal analiz üzrə test nümunəsi
Sifahi analiz üzrə test nümunəsi
people-career-fair.jpg

Üçüncü mərhələ – Texniki və davranış müsahibəsi

İkinci mərhələdən uğurla keçən namizədlərin nəzəri bilikləri və davranışları müsahibə zamanı dəyərləndirilir.
people-at-career-fair.jpg

Dördüncü mərhələ – Son seçim

Seçimin nəticəsi təcrübəçilərə iyun, məzunlara isə  iyul ayının əvvəlində bildirilir.

Müsahibəyə dair ümumi məsləhətlər

  • Hazırlaşmadan müsahibəyə gəlməyin
  • Müsahibəyə gecikməyin
  • Ofisin geyim kodeksinə riayət edin
  • Özünüz, təhsiliniz və iş təcrübəniz haqqında hər hansı yanlış/həqiqətə uyğun olmayan məlumat verməyin
  • Əvvəlki iş təcrübəniz (əgər varsa) haqqında pis danışmayın
  • Müsahibə ərzində təhqiramiz və münasib olmayan zarafatlar/şərhlər qəbuledilməzdir
  • Mobil telefonlarınızı səssiz rejimə keçirin
  • Müsahibə götürənlərlə göz əlaqənizi saxlamağa çalışın
  • Bu işə uyğun niyə ən yaxşı namizəd olduğunuz haqqında düşünün
  • İddialı, özünə inamlı və əmin olun
  • Qısa və aydın danışın, söhbəti uzatmayın, nümunələr verin
  • Hə/yox tipli cavablar verməyin
  • Saqqız çeynəməyin.

Texniki müsahibəyə dair məsləhətlər

  • Müsahibədə uğur qazanmaq üçün əvvəlcədən hazırlaşmaq lazımdır
  • Müsahibədən qabaq şirkət haqqında məlumat toplayın. Veb saytlara baxın, neft-qaz sənayəsi və BP-nin Azərbaycan, Gürcüstan və Türkiyə regionundakı fəaliyyəti haqqında daha çox öyrənin
  • Müsahibə öz bilik, bacarıq və münasibətinizi göstərmək üçün əla imkandır. Müsahibə gələcəkdə bir yerdə işləyə biləcəyiniz insanlarla üzbəüz ünsiyyət qurmaq üçün imkan yaradır – odur ki, özünüz olun.
  • Təcrübə və bacarıqlarınız haqqında aydın və həvəslə danışın, uğurlarınızı və unikallığınızı vurğulayan dəqiq nümunələr göstərin
  • Qısa fasilələrdən qorxmayın – cavabınızı formalaşdırmaq üçün bir az vaxta ehtiyacınız ola bilər
  • Soruşulan suala cavab verin – verilən sualı tam başa düşün və aydın olmadıqda, yenidən dəqiqləşdirin
  • Suallar verin – verdiyiniz suallar şirkətə və ya işə olan marağınızı göstərir. İstənilən sualı verin, amma çalışın, suallarınızı müsahibənin sonuna saxlayasınız.

Müsahibəyə necə hazırlaşmalı

  • Texniki müsahibə – təməl biliklərin əsl həyat hadisələrinə tətbiqi haqqında müzakirədir
  • Müraciət etdiyiniz ixtisasla bağlı spesifik problem və ya situasiyanı həll etməkdə öz yanaşmanızı göstərməyinizi tələb edən işlə bağlı sual, problem və ya ssenarilər təqdim ediləcəkdir
  • Universitet ərzində keçdiyiniz dərslərin siyahısı soruşulan sualları seçməyə kömək edəcəkdir
  • Müsahibə ərzində diqqət yetiriləcəkdir: Texniki biliklərinizin sübutu; Fizika, kimya, riyaziyyat və digər aidiyyatı elm/fənnlər barəsində biliyinizin dərinliyi; Təməl mühəndislik prinsipləri haqqında anlayış; Bu biliyi real həyat/praktiki ssenarilərə tətbiq

BIR CAVAB YAZIN

Şərhinizi daxil edin!
Adınızı bura daxil edin