“Ərəbdilli gənc tərcüməçilər üçün tərcümə məktəbi” layihəsi

0

Azərbaycan Respublikasının Prezidenti yanında Gənclər Fondunun maliyyə dəstəyi ilə “Ərəbdilli gənc tərcüməçilər üçün tərcümə məktəbi” layihəsi çərçivəsində təlimlər keçiriləcəkdir.
Layihənin əsas məqsədi ərəb dili üzrə tərcüməçi kimi fəaliyyət göstərməyi qarşısına məqsəd qoyan, bu sahədə təhsil alan, işləyən və könüllü fəaliyyət göstərən gənc ərəbdilli tərcüməçilərin biliklərinin artırılmasıdır.

“Ərəbdilli gənc tərcüməçilər üçün tərcümə məktəbi” layihəsi çərçivəsində ərəb dili biliyinə malik tələbə və gənclərə bilik və bacarıqlarının artırılması məqsədi ilə tərcüməçi peşəsinin nəzəri və praktiki biliklər öyrədiləcəkdir.İki ay davam edəcək təlimlər boyunca iştirakçılar peşəkar və təcrübəli tərcüməçilər tərəfindən keçiriləcək təlimlərdə “Tərcümə peşəsi və peşəkar tərcüməçi”, “Mətnə görə tərcümə növləri”, “Tərcüməçilərin peşə etikası”, “Tərcümədə qarşıya çıxan çətinliklər”, “Ərəb dilinin spesifik quruluşu-tərcümə zamanı diqqət edilməli nüanslar”, “Sinxron və ardıcıl tərcümə” mövzularını öyrənəcəkdir.Layihənin sonunda iştirakçılar sertifikatla təltif ediləcək.Layihəyə tərəfdaş təşkilat Azərbaycan Ərəbşünaslar Şəbəkəsidir.

Layihəyə 18-29 yaş aralığında ərəb dili biliyinə malik tərcümə sahəsində təhsil alan, işləyən və ya könüllü fəaliyyət göstərən gənclər müraciət edə bilər. Layihə fevral-mart aylarını əhatə edir.İştirak ödənişsizdir. Seçilmiş şəxslərlə e-mail vasitəsi ilə əlaqə yaradılacaqdır.

Qeydiyyat linki: https://goo.gl/forms/xw1y2wTE9ExFyR8H3

BIR CAVAB YAZIN

Şərhinizi daxil edin!
Adınızı bura daxil edin