Məktəblilər üçün “Peşə Seçiminə Dəstək” layihəsi

0

“Peşə Seçiminə Dəstək” adlı layihəyə start verildi.

 

Məktəblilərin peşə seçiminə dəstək olmaq, doğru peşəni seçməyə kömək etmək məqsədilə “Peşə Seçiminə Dəstək” adlı layihəyə start verilir.

 

3 mərhələli şəkildə həyata keçirləcək layihə ümumi təhsil müəssisələrinin 8-10-cu sinif şagirdlərini əhatə edəcək. Layihənin ilkin mərhələsində şagirdlər və valideynlərin məlumatlandırılması, ikinci və əsas mərhələsində isə “Peşə seçimi” testinin keçirilməsi planlaşdırılır.Test şagirdlərin maraqlarını, şəxsi keyfiyyətlərini və bacarıqlarını qiymətləndirərək onlara ən uyğun peşəni seçməyə imkan yaradır. Testi keçən şagirdlər öz psixoloji portretləri ilə tanış olacaq və xüsusi bacarıqlarını ortaya çıxaracaqlar. Testin nəticəsinə əsasən peşə konsultantı şagirdlərə uyğun peşələrin siyahısını, bu peşələrə yiyələnmək üçün müvafiq ali təhsil müəssisələrin adlarını və bu istiqamət üzrə lazımi tövsiyələri verəcək. Bununla yanaşı hər bir şagirdin fərdi qaydada güclü və nisbətən zəif tərəfləri müəyyən ediləcək. Sonuncu mərhələdə isə şagirdlərin zəif tərəflərini inkişaf etdirmək məqsədilə müxtəlif təlimlər təşkil ediləcək. Beləliklə, məktəblilər peşə istiqamətini öncədən müəyyən edərək uğur qazana biləcəkləri sahələrlə tanış olacaq və bacarıqlarını inkişaf etdirirəcəklər.  

 

“Peşə seçiminə dəstək” adlı layihə məktəblilərə tam ödənişsiz olaraq gələcək peşələrini müəyyənləşdirmək imkanı yaradacaq. Bu isə öz növbəsində, ölkəmizdə müxtəlif sahələrdə peşəkar, savadlı və bacarıqlı kadrların yetişməsinə təkan verəcəkdir.

 

Qeyd edək ki, “Peşə Seçiminə Dəstək” layihəsi bp və onun Azəri-Çıraq-Günəşli, Bakı-Tbilisi-Ceyhan, Şahdəniz və Cənubi Qafqaz Boru Kəməri layihələrindəki tərəfdaşları – “SOCAR”, “TPAO”, “PETRONAS”, “MOL”, “LUKOİL”, “NİCO”, “Equinor”, “İNPEX”, “ExxonMobil”, “SGC”, “İTOCHU”, “ONGC”, “TOTAL”, “Eni”  tərəfindən maliyyələşdirilir. Eyni zamanda, layihə Dərs evi və Azərbaycan Respublikası Təhsil İnstitutunun (ARTİ) Təhsil Texnologiyaları Mərkəzi (TTM) ilə birgə əməkdaşlıq çərçivəsində həyata keçirilir.  Layihədə 500-dən çox şagirdin iştirakı nəzərdə tutulur.

Ödənişsiz “Peşə Seçimə dəstək” layihəsində iştirak etmək üçün aşağıdaki linkə daxil ola bilərsiniz:

🇦🇿Az:

bit.ly/proftestAZ

🇷🇺Ru:

bit.ly/proftestRU