“Futzal yarışı başlayır!" adlı layihənin açılış mərasimi keçirilib
Ucar rayon Qazıqumlaq kənd Heydər Əliyev adına 2 nömrləli tam orta məktəbdə Azərbaycan Respublikası Elm və Təhsil Nazirliyinin "Təhsildə inkişaf və innovasiyalar üzrə VIII qrant müsabiqəsi çərçivəsində icra edilən “Futzal yarışı başlayır!" adlı layihənin açılış mərasimi keçirilib.
Tədbirdə Ucar rayon üzrə təhsil sektorunun nümayəndələri Rəna Cəfərova və Nigar Zakirova, məktəbin direktoru Elburus Baxşəliyev,müəllim kollektivi iştirak ediblər.
Tədbiri açılış nitqi ilə salamlayan layihə rəhbəri Mahmud Mustafayev layihə haqqında geniş məlumat verdi və layihə çərçivəsində görüləcək işlərdən danışmışdır.
Layihənin məqsədi şagirdlər arasında futzal oyunları təşkil etməklə,həm onların fiziki
fəallıqlarının artırılmasına və sağlam həyat tərzi keçirmələrinə,həm asudə vaxtlarının səmərəli
keçirilməsinə,həm də onların köməyilə ölkədə uşaqlar arasında futzal oyununa marağın
artırılmasına nail olmaqdır.Layihənin məqsədinə çatmaq üçün aşağıdakı vəzifələr vardır:
Futzal oyunu haqda geniş təbliğat və 3 günlük təlim-məşq seminarının təşkili;
Şagirdlərdən ibarət futzal komandalarının formalaşması
Futzal qaydalari haqqında Azərbaycan dilində ədəbiyyatın çoxaldılması
Dünya Azərbaycanlılarının Həmrəylik Gününə həsr edilmiş şagirdlər arasında futzal yarışının
kecirilməsi
Yerli hakim və oyunçularının bu sahədə biliklərinin artırılması.
Daha sonra çıxış edən qonaqlar layihənin əhəmiyyətindən, aktuallığından və şagirdlər üçün vacibliyindən söz açdılar.
