Şahmat Federasiyası yeni loqosunun hazırlanması ilə bağlı müsabiqə elan edir

MÜSABİQƏ ELAN OLUNUR.
Azərbaycan Şahmat Federasiyası yeni loqosunun hazırlanması ilə bağlı müsabiqə elan edir. 

Müsabiqəyə indiyə qədər istifadə olunmayan və mövcud loqotiplərin elementlərini təkrarlamayan nümunələr təqdim olunmalıdı.

Loqonun dizaynı özündə Azərbaycan şahmatına dair elementləri əks etdirməklə yanaşı, orijinal və konseptual görünüşlə fərqlənməlidi. Qalib gələn loqo istənilən tərzdə təbliğat məhsullarında istifadə etməyə uyğun olmalıdır.

Təqdim olunan loqotiplər aşağıdakılardan ibarət olmalıdır:
- loqotipin rastr qrafik versiyası (*jpeg, *png (ölçüsü 500 kb az olmamaq şərti ilə)
- loqotipin vektor versiyası (*eps, *ai).

Təkliflər 20 may 2024-cü ilə qədər [email protected]  e-mail ünvanına göndərilməlidir. 

Layihəni təqdim edən şəxs emaildə adını, soyadını, əlaqə nömrəsini qeyd etməlidir. Müsabiqədə istənilən şəxs və ya şirkət iştirak edə bilər.

Təqdim olunan təkliflər komissiya tərəfindən dəyərləndiriləcək və müsabiqənin qalibi elan olunacaq. 
Qalib loqonun müəllifinə 3000 manat mükafat təqdim ediləcək.