Bakıda 3 müxtəlif beynəlxalq sərgi keçiriləcək

Bütün sərgilər eyni gündə və eyni məkanda baş tutacaq. Hər birinə giriş ÖDƏNİŞSİZ olacaq. 28-ci Beynəlxalq Xəzər Neft və Qaz Sərgisi Hər il keçirilən “Caspian Oil & Gas” neft-qaz sahəsinin ən yüksək səviyyəli rəhbər və mütəxəssislərini bir araya gətirir. Ötən ildən başlayaraq Xəzər Neft və Qaz sərgisi Bakı Enerji Həftəsi çərçivəsində keçirilir. “Caspian Oil & Gas” sərgisi neft, qaz və energetika sahəsinin aparıcı mütəxəssislərinin görüşdüyü və memorandumların, habelə gələcək əməkdaşlığa dair saziş və müqavilələrin imzalandığı meydançaya çevrildi. Sərgi və konfrans iştirakçıları arasında qlobal neft və energetika sektorunun aparıcı şirkətləri yer alır.  

11-ci Xəzər Beynəlxalq Energetika və Yaşıl Enerji Sərgisi

“Caspian Power” sərgisində enerjidən istifadə üzrə ən son nailiyyətlər təqdim ediləcək və burada elektroenergetika sənayesinin aparıcı nümayəndələri ilə görüşlər keçirmək, ən son texnoloji məhsullar və elektroenergetika sahəsinin inkişaf strategiyaları barədə məlumat almaq, eləcə də perspektiv müqavilələr imzalamaq mümkün olacaq. Ötən ildən başlayaraq “Caspian Power” sərgisi “Caspian Oil&Gas” sərgisi ilə birgə Bakı Enerji Həftəsi çərçivəsində keçirilir.  

20-ci Yubiley Xəzər Beynəlxalq Nəqliyyat, Tranzit və Logistika Sərgisi

“TransLogistica” sərgisi dəmir yolları, dənizçilik sənayesi, aviasiya, kommersiya nəqliyyatı və nəqliyyat-logistika xidmətləri kimi nəqliyyat sektorlarını birləşdirən səmərəli platformadır. Sərgi həm Azərbaycanın, həm də region ölkələrinin dövlət nəqliyyat strukturlarını təmsil edən rəhbər və mütəxəssislərlə görüşmək, eləcə də nəqliyyat texnologiyalarının ən son nümunələrini nümayiş etdirmək, perspektiv dövlət infrastruktur layihələri ilə tanış olmaq, məhsullar üçün yeni satış kanalları tapmaq, habelə dəmir yolları, dəniz limanları, aerodromlar və logistika mərkəzlərinin tikintisi, eləcə də hərəkət heyətinin istehsalı və gəmiqayırma sahələrində təcrübə mübadiləsi üçün unikal imkan yaradır. Həmçinin, “TransLogistica” sərgisi yükdaşıma şirkətləri ilə yük sahibləri arasında görüşlərin keçirilməsi üçün işgüzar platforma olmaqla yanaşı, Xəzər və Qafqaz regionunda nəqliyyat-logistika xidmətlərinizin təşviqi baxımından da səmərəli vasitədir.   Bütün sərgilərə cəmdə ELEKTRON QEYDİYYAT

İş saatları

• 31 may, Çərşənbə 12:00 - 18:00
• 1 iyun, Cümə axşamı 10:00 - 18:00
• 2 iyun, Cümə 10:00 - 16:00

Nəzərinizə çatdırmaq istərdik ki, ziyarətçilərin tədbirə girişi tədbirin iş vaxtının bitməsinə 30 dəqiqə qalmış dayandırılacaqdır.

Keçirildiyi yer

"Bakı Ekspo" Sərgi və Toplantı Mərkəzi Ünvan: AZ1050, Azərbaycan, Bakı, Heydər Əliyev pr., 515 Sərgiyə necə gəlmək olar: "Bakı Ekspo" Sərgi və Toplantı Mərkəzi Heydər Əliyev adına Beynəlxalq Hava Limanından 3 dəqiqəlik məsafədə yerləşir. Sərgi ziyarətçiləri şəhər nəqliyyatından faydalana bilərlər:

• "Koroğlu" metro stansiyasından - N 136, 160, 171

Marşrut üzrə pulsuz avtobuslar, mayın 31-dən iyunun 2-dək Koroğlu metrostansiyası - Bakı Ekspo Mərkəzi və əks istiqamətdə hərəkət edəcəklər. Avtobuslar Tekfen İnşaat və Azfen tərəfindən sponsorluq edilir.

31 may	1 iyun	2 iyun
Bakı Ekspo Mərkəzinə 12.00 13.00 14.00 15.00 16.00 17.00	Bakı Ekspo Mərkəzinə 10.00 11.00 12.00 13.00 14.00 15.00 16.00 17.00	Bakı Ekspo Mərkəzinə 10.00 11.00 12.00 13.00 14.00 15.00
Bakı Ekspo Mərkəzindən 13.00 14.00 15.00 16.00 17.00 18.00	Bakı Ekspo Mərkəzindən 11.00 12.00 13.00 14.00 15.00 16.00 17.00 18.00	Bakı Ekspo Mərkəzindən 11.00 12.00 13.00 14.00 15.00 16.00