"Boomerang" adlı xeyriyyə tədbiri keçirildi

28 oktyabr, 2018-ci il tarixində "Boomerang" adlı xeyriyyə tədbiri keçirildi. Layihənin məqsədi gənc nəslin şəxsi biznes və uğurlu karyera qurmaq istəklərinə kömək etmək və bu sahənin peşəkarları tərəfindən gənclərə lazımi məlumatlar vermək, eyni zamanda kiçik bir qızcığazın müalicəsinə dəstək olmaq idi. Tədbir layihə rəhbəri və UNEC, SABAH qrupları, 3-cü kurs tələbəsi Ləman Abaslı, gənclərin inkişaf yönümlü biznes platforması olan Unec, Sabah qrupları, 3-cü kurs, menecment ixtisası tələbələrindən ibarət "BusinessX" komandası və Unec İqtisadçı Tələbələrə Dəstək ictimai birliyinin sədri Adnan Nəcəfov xüsusi səyi və təşkilatçılığı ilə keçirildi. Tədbir müddətində Həlimə Qəmərlinskaya- “Komanda idarəsi və liderlik” Xəqani Bəşirov- “Şirkətlərdə HR sisteminin qurulması” Xəqani Səfərov- “HR karyerasının qurulması” Rasim Adjalov- “Karyera planlaması” Pərviz Əzimov- “Digital Marketing” Kamran Abdullayev- “Biznesdə manipulyasiya” mövzularında çıxış etdi. Tədbirin tərəfdaşları qismində isə Ovod kitab evi Starbucks Young Business Factory Upper Education Student C

lub Azerbaijan Simurq Travel Canella Cake House Crispa dəstəyini göstərdi. Tədbir 2 hissədən ibarət oldu. 1-ci hissədə 3 spiker çıxış etdikdən sonra kofe-break edildi və iştirakçılar Starbucks(kofe), Canella Cake House (peçenyelər), Crispa (alma çipsləri) əməkdaşlarının göndərdiyi təamların dadına baxdılar. Təlimə əyləncə qatmaq məqsədi ilə lotereya keçirildi və şanslı rəqəmlərə Mazarina MMC, Ovod kitab evi, Simurq travel, Upper education tərəfindən dəyərli hədiyyələr təqdim olundu. Tədbir ümumilikdə 250 dən çox iştirakçı, təlimçilər və sponsor dəvətliləri ilə 6 saat davam etdi. Sonda xatirə fotosu çəkildi. Layihə müddətində 150-dən çox bilet satışı həyata keçirildi və xeyriyyə qutusu ilə birlikdə yığılan məbləğ Neyroblastoma xəstəliyindən əziyyət çəkən 6 yaşlı Şəmsin valideynlərinə təhvil verildi. “Boomerang”- Burada etdiyiniz və öyrəndiyiniz hər şey bir gün mütləq şəkildə sizə geri dönəcəkdir.