“Gənclər XƏTDƏ” konfransı

Gənclər XƏTDƏ-yə qoşul!

İnformasiya və texnologiyalar dövrü olan 21-ci əsrdə onlayn fəaliyyətlərin, bu fəaliyyətlə maraqlanan insanların günü gündən artması, öz gələcək karyeralarını bu sahədə qurmaq istəyən gəncləri və onların bu yolda məqsəd fəaliyyətlərini daha yaxşı planlaşdırması üçün“Gənclər XƏTDƏ” konfransının qeydiyyatını iştirakçılar üçün açıq elan edirik!

“Gənclər XƏTDƏ” konfransı Azərbaycan Respublikası Gənclər Təşkilatları Milli Şurasının XƏTDƏ Proqramı çərçivəsində Azərbaycan Respublikasının Prezidenti yanında Gənclər Fondunun maliyyə dəstəyi ilə 10 fevral 2018-ci il saat 09:00-da Port Bakuda yerləşən “The Club”-da baş tutacaq..

Digər ölkələrə nəzər yetirsək görərik ki, onlayn bizneslər, bu bizneslə məşğul olanlar, sosial mediadan professional şəkildə istifadə edənlərin sayı bizim ölkəmizə nisbətən daha çoxdur. Ölkəmizdə yeni olmasına baxmayaraq bu sahələrə təlabat həddindən artıq çoxalmağa başlamışdır. Bu sahədə gənclərin daha çox maarifləndirilməsi, onların dəstək və motivasiya olunması, onlara maraqlı olan və sual yaradan fikirlərə cavab tapılması onların gələcək fəaliyyətlərinə müsbət təsir edəcəkdir. Odur ki, bu konfransın təşkili gənclərimiz, eyni zamanda ölkəmiz üçün zəruri və faydalıdır.

Gənc yaşlarımızda maraqlı olduğumuz bir neçə sahələr olur və ya müəyyən etdiyimiz sahədə öz fəaliyyət planlarımızı qurmaqda çətinlik çəkirik. Və çətinliklər çəkdiyimiz, boşluqlarımızın olduğu bu yolda bizə məsləhətlər, motivasiya edəcək fikirlər lazım olur. Bu fikirləri və məsləhətləri bizimlə “Gənclər XƏTDƏ!” konfransı çərçivəsində bu sahədə öz sözünü demiş və biznesini qurmuş şəxslər bölüşəcək.

Nələr qazanacaqsınız?

• Rəqəmsal marketinq haqqında ətraflı biliklər əldə edəcək;


• Sosial media və cəmiyyətə verdiyi təsirləri müzakirə edəcək;


• Sosial media üzərindən onlayn biznes qurmağın yollarını öyrənəcək;


• Spikerlərin şəxsi təcrübələrini dinləyəcək;


• Peşəkarlardan tövsiyyə almaq şansı əldə edəcək;


• Sizi maraqlandıran bütün suallara cavab tapmaq şansı əldə edəcəksiniz.

MÖVZUlarımız nələrdi?

1. Rəqəmsal marketinq və müasir dövrə töfhələri
2. Cəmiyyət XƏTDƏ
3. Media XƏTDƏ
4. Təhsil XƏTDƏ
5. Biznes XƏTDƏ

KİMlər iştirak edə bilər?

• KİM ki, 14-35 yaş aralığında olan, rəqəmsal marketing sahəsi ilə maraqlanan gənc və ya gənc mütəxəssislər qrupuna daxildir.


• KİM ki, rəqəmsal marketinq haqqında profesional biliklər əldə etmək istəyir;


• KİM ki, gələcək fəaliyyətini rəqəmsal marketinq üzərindən qurmaq istəyir;


• KİM ki, rəqəmsal marketinq sahəsində uğur qazanmış şəxslərin fikirlərini dinləmək istəyir.

İştirak etmək üçün aşağıdakı müraciət formasını doldura bilərsiniz. Son müraciət tarixi 6 fevral 2018-ci il saat 18:00-dur.

Tarix: 10 fevral 2018, saat: 09:00-12:45-dək

QEYDİYYAT LİNKİ