Yay Fest - Azərbaycanın ən böyük gənclər festivalı: 5 gün olmaqla 8 fərqli düşərgə!

Azərbaycan Respublikasının Gənclər Fondu, Azərbaycan Tələbə Gənclər Təşkilatları İttifaqı, “Cavan” Gənclər Hərəkatı İctimai Birliyi və "Gənclərin Maarifləndirilməsinə Dəstək" İctimai Birliyinin birgə təşkilatçılığı ilə “Yay Fest - Azərbaycan Gənclər Festivalı” təşkil olunur. 2019-cu ildən bəri ənənə halına çevrilən festivalın məqsədi gənclərin asudə vaxtlarının səmərəli təşkili, onlar arasında təhsilin, innovasiyanın, vətənpərvərliyin, könüllüyün, inkişafın və sağlam həyat tərzinin təşviq olunmasıdır. Festival çərçivəsində hər biri 5 gün olmaqla 5 fərqli mövzuda 5 fərqli düşərgə təşkil olunacaq:

• 18-22 iyul ~ Tələbəlik
• 25-29 iyul ~ Dəmir Yumruq
• 1-5 avqust ~ Yaradıcılıq
• 8-12 avqust ~ Könüllülük
• 15-19 avqust ~ UN SDG Camp
• 22-26 avqust ~ Karyera və İnkişaf
• 29 avqust-2 sentyabr ~ İdeyadan Biznesə
• 5-9 sentyabr ~ Həmrəylik Düşərgəsi

Şamaxı Astrofizika Rəsədxanasında keçiriləcək Festivalda iştirak haqqı qazanan gənclər yaşayış çadırlarında gecələyəcəklər. İştirak ödənişsizdir. 18-24 yaş arası yaradıcı, ictimai fəal gənclər və yüksək göstəricilərə malik tələbələr Festivalda əylənəcək, dostluqlar quracaq və yayın ən möhtəşəm hadisəsinin şahidi olacaqlar.