“14 həftə – Təlim nəticələri zəif olan təhsilalanlarla xüsusi proqram əsasında hazırlıq”layihəsi uğurla başa çatdı!

“14 həftə – Təlim nəticələri zəif olan təhsilalanlarla xüsusi proqram əsasında hazırlıq”layihəsi uğurla başa çatdı!

Şəki şəhər 8 nömrəli beynəlmiləl tam orta məktəbində Anar Məmmədov tərəfindən icra olunan və Təhsildə inkişaf və İnnovasiyalar üzrə VIII qrant müsabiqəsinin qalibi olan bu layihə çərçivəsində ümumillikdə 120 nəfər V-VII sinif şagirdləri Azərbaycan dili və ingilis dili biliklərini interaktiv şəkildə inkişaf etdirmək imkanı qazanıblar.

Layihə müddətində Azərbaycan Dövlət Pedaqoji Universitetin 10 tələbəsi tərəfindən təşkil olunan 14 həftə 28 dərs saatənda şagirdlər universitet tələbələri tərəfindən mətnləri anlama və analiz etmə, öz fikirlərini yazılı və şifahi şəkildə ifadə etmə kimi bacarıqları inkişaf etdirdilər. Onlar həmçinin məqalə yazma, təqdimat hazırlama, tənqidi oxu və mətn təhlili kimi sahədə mühüm olan vərdişlərə yiyələndilər.

Bundan əlavə, şagirdlər nitqi anlama, müxtəlif aksentlərə uyğunlaşma və sürətli məlumat emal etmə bacarıqlarını inkişaf etdiriblər. Sürətli oxu və effektiv qeyd aparma metodları isə onların böyük həcmli akademik materialları daha tez və səmərəli mənimsəməsinə kömək edib.

Bağlanış tədbirində layihə çərçivəsində iştirak edən universitet tələbələrinə sertifikat təqdim olunub.