Şagirdlərin inkişafına dəstək göstərəcək “Çıraq” layihəsinə start verilib.
Əmək və Əhalinin Sosial Müdafiəsi Nazirliyinin tabeliyində Dövlət Məşğulluq Agentliyinin Mərkəzi Karyera filialı tərəfindən yeni layihəyə - şagirdlərin inkişafına dəstək istiqamətində fəaliyyət göstərəcək “Çıraq” layihəsinə start verilib.
9 ay davam edəcək layihə seçim, mentorluq, təlimlər, peşəkarlarla görüşlər və “Çıraq” hakatonu mərhələlərindən ibarət olacaq. Ölkənin müxtəlif məktəblərindən 8-9-cu sinif şagirdlərinin seçiləcəyi layihə 50 nəfəri əhatə edəcək.
Layihə çərçivəsində şagirdlərə özünütanıma, məqsədlərin təyini, karyera planlaması, əmək bazarının araşdırılması, emosional zəka, tənqidi düşüncə, ünsiyyət bacarığı kimi mövzularda məlumat veriləcək, şagirdlərin qeyd edilən istiqamətlərdə savadlılığının artırılmasına dəstək göstəriləcək.
Layihəyə müraciət 18 aprel tarixinədək davam edəcək.
İştirak ödənişsizdir.
