Davamlı gələcək yaratmaq istəyində olan bütün iştirakçılar üçün tullantıların idarə olunması üzrə rəsm müsabiqəsinə start verilir. Bu müsabiqə Ekologiya və Təbii Sərvətlər Nazirliyi və “Təmiz Şəhər” ASC-nin təşkilatçılığı ilə cari ilin 27-28 iyun tarixlərində keçiriləcək “Yaşıl Dünya naminə həmrəylik: Dayanıqlı gələcək üçün tullantılardan dəyərə” adlı Beynəlxalq Forumun tərkib hissəsidir.
Təqdimatın son tarixi: 20 iyun 2024-cü il
Şərtlər və qaydalar
- Uyğunluq: Müsabiqə bütün yaş qrupları üçün açıqdır.
- Təqdimat forması:
- Rəsmlər orijinal olmalı və iştirakçının özü tərəfindən hazırlanmalıdır;
- Rəsmlərin işlənmə texnikası sərbəstdir;
- Rəsmlər tullantıların idarə olunması və davamlılıq mövzusu ilə əlaqəli olmalıdır;
- Hər bir iştirakçı 1 rəsm əsəri təqdim edə bilər;
- Rəsmlər minimum 30x40 sm ölçüdə kətan üzərində olmalıdır.
- Qiymətləndirmə meyarları:
- Yaradıcılıq və orijinallıq;
- Mövzuya uyğunluq;
- Bədii keyfiyyət və vizual təsir.
- Təqdimetmə prosesi:
- İştirakçılar öz rəsmlərini konsepsiyanı izah edən qısa təsvir (maksimum 100 söz) ilə birlikdə təqdim etməlidirlər.
- Rəsm əsərləri “Tullantıdan dəyərə” rəsm müsabiqəsi qeyd edilməklə Bakı şəhəri, K.Kazımzadə küç., 100 (A) AZ1073 (Ekologya və Təbii Sərvətlər Nazirliyinin inzibati binası) ünvanına göndərilməlidir.
- Rəsm əsərində iştirakçının adı, yaşı, əlaqə məlumatları və imzalanmış orijinallıq bəyannaməsi daxil edilməlidir.
- Qaliblərin elanı:
Qaliblər Forum zamanı elan olunacaq və onların əsərləri xüsusi sərgidə nümayiş etdiriləcək.
Əlavə təfərrüatlar:
- Şərtlərə və qaydalara uyğun gələn bütün iştirakçılara iştirak sertifikatı təqdim ediləcək.
- Qaliblər Forum zamanı öz sənət əsərlərini təqdim etmək və fikirlərini bölüşmək imkanı əldə edəcəklər.
Mükafat: Müsabiqədə I yerin qalibinə 3000 manat, II yerin qalibinə 2000 manat, III yerin qalibinə isə 1000 manat pul mükafatı təqdim ediləcək.
Hər kəsi tullantıların idarə olunması və davamlılığının təşviqində iştirak etməyə və öz yaradıcılıqlarını nümayiş etdirməyə dəvət edirik. Gəlin tullantıları sənət vasitəsilə dəyərə çevirək!
Əlavə məlumat üçün (+994) 50 263 36 20, (+994) 70 817 57 11 telefon nömrələri və ya elektron poçt vasitəsilə [email protected] və [email protected] əlaqə saxlamaq olar.
◾◾◾◾◾◾◾◾◾◾◾◾◾◾◾◾◾
📣⚠️👇🏻👇🏻👇🏻👇🏻⚠️📣
Digər vakansiyalardan, təcrübə proqramlarından, tədbirlərdan, təqaüd proqramlarından və s. faydalı məlumatlardan tez xəbər tutmaq üçün bizi sosial şəbəkələrdə də izləyə və ya üzv ola bilərsiniz 🤗:
🟢WhatsApp Kanalımız: https://whatsapp.com/channel/0029VaCpVIEAjPXJt7vv8k1e
🟩WhatsApp Qrupumuz: https://chat.whatsapp.com/IWlB4C1IaneFi0Wnk6R3zC
🔵 Teleqram kanalımız: https://t.me/EduOnlineAz
🟦 Teleqram qrupumuz: https://t.me/EduOnlineAzQrup
🔷 Facebook səhifəmiz: https://www.facebook.com/EduOnline.Az
🔴 Instagram səhifəmiz: https://www.instagram.com/eduonline.az
