DİM tərəfindən vakant dövlət qulluğu vəzifələrinin tutulması üçün elan edilmiş ümumi müsahibələr davam edir
Azərbaycan Respublikasının Dövlət İmtahan Mərkəzi tərəfindən 15 dekabr 2017‑ci il tarixində 8 dövlət orqanında 33 vakant vəzifənin tutulması üçün ümumi müsahibə üzrə qeydə alınmış namizədlərlə müsahibələr davam edir.
Ümumi müsahibəyə çıxarılan vakant dövlət qulluğu vəzifələrinin hamısı mərkəzi icra hakimiyyəti orqanlarının (İqtisadiyyat Nazirliyi (6 vakant vəzifə), Mədəniyyət və Turizm Nazirliyi (3 vakant vəzifə), Gənclər və İdman Nazirliyi (1 vakant vəzifə), Energetika Nazirliyi (2 vakant vəzifə), Ekologiya və Təbii Sərvətlər Nazirliyi (17 vakant vəzifə), Səhiyyə Nazirliyi (1 vakant vəzifə), Təhsil Nazirliyi (2 vakant vəzifə) və Dövlət Statistika Komitəsi (1 vakant vəzifə) mərkəzi aparatında, tabeliyində olan qurumlarında və yerli bölmələrindədir.
Your code is here Ümumi müsahibədə qeydə alınmış namizədlərlə müsahibələrin keçirilmə qrafiki və nəticələri haqqında məlumata buradan baxa bilərsiniz.
Məlumat üçün bildirək ki, Ekologiya və Təbii Sərvətlər Nazirliyində olan vəzifələr üzrə ümumi müsahibələr fevralın 1-dən 5-dək olan müddətdə keçirilib. Ümumi müsahibədə iştirak edən 21 namizəddən 15 nəfəri iddia etdiyi vəzifəyə uyğun hesab olunub, 1 nəfər isə müsahibəyə gəlməyib.
6,7 fevral tarixlərində isə Mədəniyyət və Turizm Nazirliyi, Gənclər və İdman Nazirliyi və Dövlət Statistika Komitəsində olan vəzifələr üzrə ümumi müsahibələr keçirilib. Mədəniyyət və Turizm Nazirliyi üzrə müsahibələrdə iştirak üçün qeydiyyatdan keçən 11 nəfərdən 5 nəfəri uğur əldə edib. 2 namizəd müsahibədə iştirak etməyib, digərləri isə iddia etdikləri vəzifələrə uyğun hesab olunmayıb. Gənclər və İdman Nazirliyi, Ağcabədi rayon Gənclər və İdman İdarəsində, aparıcı məsləhətçi vəzifəsinə bir nəfər iddia edib və vəzifəyə uyğun hesab edilməyib. Dövlət Statistika Komitəsi, Siyəzən Rayon Statistika İdarəsində, rəis müavini vəzifəsinə isə iddia edən hər 2 namizəd vəzifələrə uyğun hesab edilib.
Your code is here
İqtisadiyyat Nazirliyində olan vəzifələr üzrə müsahibələr fevralın 8-dən başlayıb və 13-dək davam edəcəkdir. Müxtəlif vəzifələr üzrə iddiaçı olan 22 namizəddən hələlik 13 nəfərlə müsahibələr keçirilib və uğur qazananların sayı 2 nəfərdir.
Təhsil və Səhiyyə Nazirliklərinə aid olan vəzifələr üzrə müsahibələr 13 fevralda keçiriləcək.
Your code is here Qeyd edək ki, müsahibənin nəticələri elan olunduqdan sonra 5 iş günü müddətində müvəffəqiyyət əldə edən namizədlərin sənədləri vakant dövlət qulluğu vəzifəsinə təyinat üçün müvafiq dövlət orqanına təqdim olunur.
Xatırladaq ki, “Dövlət qulluğu haqqında” Azərbaycan Respublikası Qanununun 29-cu maddəsinə uyğun olaraq müvafiq dövlət orqanı üzrə ümumi müsahibəyə çıxarılan vakant dövlət qulluğu vəzifələrinin tutulmasında həmin dövlət orqanında və ya digər dövlət orqanında inzibati vəzifələrdə qulluq keçən və inzibati vəzifələrin təsnifatına uyğun ixtisas dərəcəsi olan dövlət qulluqçuları, habelə azı 5 il qulluq stajı olan və dövlət orqanında inzibati vəzifələrdə çalışmış şəxslər iştirak edə bilərlər.
