"Kitab Səhnəsi" layihəsinin tədbiri keçirilib

"Education HUB" təşkilatçılığı ilə "İnkişaf Zamanı" proqramı çərçivəsində Bakının Türkan qəsəbəsində yerləşən E.Mirzəyev adına Sağlamlıq imkanları məhdud uşaqlar üçün 6 saylı Respublika xüsusi internat məktəbində "Kəpənək" komandasının "Kitab Səhnəsi" layihəsinin tədbiri keçirilib.

"Kitab Səhnəsi" layihəsi çərçivəsində uşaqlara, məktəb kitabxanasına hədiyyə kitablar verildi. Layihə çərçivəsində uşaqlara kitabların fərdi inkişafda rolu, kitab oxuma mədəniyyətinin formalaşmasından həmçinin forum teatrın tarixindən, icrasından, cəmiyyətə verdiyi mesajın sosial problemlərin həllində rolundan danışıldı.

Tədbirin həyata keçirilməsində, əsasən da kitabların yığılmasında "TEAS Press", "Parlaq İmzalar", "Alatoran", "İdiot" nəşriyyatlarına, "KitabAl", "TürkKitabaz", "Kitabevim.az", "AzərKitab" kitab mağazalarına, "Kitabsevərlər" və "Rezonans" komandasına və Azərbaycan Yaradacılıq Fonduna xüsusi təşəkkürlərini bildiriblər.

Qeyd edək ki, "Education HUB" təşkilatçılığı ilə "İnkişaf Zamanı" proqramı çərçivəsində həyata keçirilən "Kitab Səhnəsi" layihəsinin əsas məqsədi məktəblilər arasında forum teatrı vasitəsi ilə kitab oxuma mədəniyyətinin formalaşdırılmasıdır.