SOCAR-ın qurumlarında Ödənişli istehsalat təcrübəsi proqramı! - SON GÜN!

SOCAR Azərbaycan Respublikasının və xarici ölkələrin müxtəlif ali məktəblərində təhsil alan Azərbaycan vətəndaşı olan, öyrənməyə həvəsli, şəxsi inkişafı, peşəkar vərdişləri və praktiki biliklərini artırmağa maraqlı olan, təşəbbüskar, komandada işləməyi bacaran, ixtisasını sevən və yüksək ixtisas biliklərinə sahib gənclərə neft və qaz sənayesində istehsalat təcrübəsi keçmək imkanı yaradır. Gənclərin ödənişli istehsalat təcrübəsi SOCAR-ın tərkibində olan müəssisə və təşkilatlarda tələb olunan ixtisaslara uyğun olaraq 2 ay təcrübə müddəti olmaqla təşkil ediləcəkdir. SOCAR-ın strukturuna daxil olan qurumlarda, quruda ödənişli istehsalat təcrübəsi keçən gənclərə 200 AZN(vergilər daxil olmaqla), dəniz şəraitində istehsalat təcrübəsi keçən gənclərə 300 AZN (vergilər daxil olmaqla) məbləğində ödəniş nəzərdə tutulmuşdur. Təcrübə müddətinin sonunda bütün təcrübəçilərə fəaliyyətləri barədə istehsalat xasiyyətnaməsinin təqdim olunması, fəaliyyəti barədə müsbət rəy almış və SOCAR-da işləmək arzusu olan gənclərin kadr tələbatına uyğun olaraq müsahibə yolu ilə işlə təmin olunma məsələsinə baxılması nəzərdə tutulmuşdur. Təcrübəyə aşağıdakı ixtisaslar üzrə (Bakı Ali Neft Məktəbi istisna olmaqla) Azərbaycan Respublikası və xarici ölkələrin ali təhsil müəssisələrində təhsilini bitirməkdə olan tələbələr, həmçinin məzunlar müraciət edə bilərlər. (İxtisasların siyahısı illik kadr tələbatına uyğun olaraq formalaşdırılır və tələbatdan asılı olaraq, dəyişdirilə bilər) Gənclərin ödənişli istehsalat təcrübəsi proqramında iddiaçı olmaq üçün gənclər aşağıda qeyd olunan bütün tələblərə cavab verməlidir:

• Azərbaycan Respublikasının vətəndaşı olmalı;
• Məzunlar tələb olunan ixtisaslar üzrə təhsil pilləsini son 3 tədris ilində bitirməli;
• Tələbələr tələb olunan ixtisaslar üzrə bakalavr pilləsinin sonuncu kursunda (sonuncu semester) və ya magistratura pilləsində təhsil almalıdır;

Təcrübəyə seçim müsabiqə əsasında və 2 mərhələdən ibarət olmaqla həyata keçirilir:

• I mərhələ - Müsabiqəyə müraciət edənlərin ixtisas, məntiqi təfəkkür, kompüter bilikləri və SOCAR və Azərbaycan haqqında biliklərinin yoxlanılması məqsədilə test imtahanı;
• II mərhələ - İxtisas qrupları üzrə müvafiq keçid balını toplayanlar üçün müsahibələr;

Yuxarıda qeyd olunan şərtlərə cavab verən SOCAR-ın 2018-ci il üçün daxili təqaüd proqramının qalibləri proqrama müsabiqədən kənar qoşulmaq imkanı əldə edirlər. Gənclərin istehsalat təcrübəsi proqramında iştirak etmək üçün iddiaçılar fərdi qaydada aşağıdakı ixtisaslar üzrə elektron qeydiyyatdan keçməlidirlər. “İxtisas qrupları (Sumqayıt şəhəri)” üzrə müraciət edənlər təcrübə prosesini Sumqayıt şəhərində keçəcəklər. “SOCAR-da Ödənişli İstehsalat Təcrübə Proqramı” ilə əlaqədar əlavə suallarınızı [email protected] ünvanına göndərə bilərsiniz.

İdentifikasiya nömrəsi İxtisas sahəsinin adı Müraciət üçün son tarix Müraciət üçün 16589 Əməyin mühafizəsi və həyat fəaliyyətinin təhlükəsizliyi (Sumqayıt şəhəri) 25.05.2018 Müraciət et 16582 Energetika (Sumqayıt şəhəri) 25.05.2018 Müraciət et 16581 Tikinti (Sumqayıt şəhəri) 25.05.2018 Müraciət et 16580 NÖC və avtomatika (Sumqayıt şəhəri) 25.05.2018 Müraciət et 16579 Mexanika (Sumqayıt şəhəri) 25.05.2018 Müraciət et 16578 Kimya texnologiya (Sumqayıt şəhəri) 25.05.2018 Müraciət et 16577 İqtisadiyyat və idarəetmə (Sumqayıt şəhəri) 25.05.2018 Müraciət et 16576 Əməyin mühafizəsi və həyat fəaliyyətinin təhlükəsizliyi 25.05.2018 Müraciət et 16575 Tikinti 25.05.2018 Müraciət et 16574 Kimya texnologiya 25.05.2018 Müraciət et 16573 İqtisadiyyat və idarəetmə 25.05.2018 Müraciət et 16572 İnformasiya və kommunikasiya texnologiyaları 25.05.2018 Müraciət et 16571 Geoloji kəşfiyyat 25.05.2018 Müraciət et 16570 Qaz-neft-mədən 25.05.2018 Müraciət et 16569 Mexanika 25.05.2018 Müraciət et 16568 NÖC və avtomatika 25.05.2018 Müraciət et 16567 Energetika 25.05.2018 Müraciət et 16566 Ekologiya (Sumqayıt şəhəri) 25.05.2018 Müraciət et QEYDİYYAT