“Space - Speech - Speed” işıq instalyasiyası - Sərgi

Mişa Kuball`ın “Space - Speech - Speed” işıq instalyasiyası Kapellhaus`da Vernisaj – 10 Mart, 18:00 - 21:00 Rəssam ilə görüş – 10 mart, 19:00 Giriş sərbəstdir Sərginin iş saatları: Çərşənbə - Bazar, saat 14:00 - 20:00 Əlaqə nömrəsi: +99412 4938041 Alman rəssamı Mişa Kuball, işıqla geniş şəkildə işləyir və onu şəhər strukturunda fəaliyyət göstərən effektiv bir vasitə kimi təsvir edir. Rəssamın müdaxilələri əvvəlcədən gözə dəyməyən detalları vurğulayan, adi halı qeyri-adi hala çevirən və məkanın tanınmayan bir şəkildə dəyişməsini təmin edən ışıq və qaranlığın bərabər güclü istifadəsi ilə məkanı fəth edir. Mişa Kuball`ın əsərlərində “az çoxdan yaxşıdır” və minimalizmin təsiri çox güclüdür. Muzey tərəfindən işlərin aparılmasından və ya xüsusi hazırlanmış instalyasiyadan sonra, məkan düşünmə və sakitləşmə üçün yerə çevrilir. Kapellhausda “Space-Speech-Speed” işıq instalyasiyasını nümayis etdirmək qərarını Goethe-Institutu Beynəlxalq Mədəniyyət Təşkilatının yerli şöbəsi Goethe-Zentrum Bakı`nın dəvəti ilə dekabr ayında Azərbaycana gəldiyi zaman verdi. Bir ay boyunca Kapellhausun əsas salonu insana düşünmək və istirahət üçün çağırış edən heyranedici işıq instalyasiyasına çevriləcəkdir. Mişa Kuballın 40 illik təcrübəsi öz işlərini özünü ifadə və əməkdaşlıq platforması şəklində təqdim edir və "Space-Speech-Speed"in kuratorunu sərginin keçirildiyi dövrdə musiqili tədbirlərinin keçirilməsinə təhrik edir. Konsert barədə ətraflı məlumat və tarixi tezliklə elan olunacaqdır. Sərgi, 10 Mart, Şənbə günü, Kapellhausda (28 May küçəsi, 35) başlayır və 8 Aprel tarixinə qədər davam edir. Vernisaj 18:00-da başlayır və 19:00-da sənətçinin müzakirəsi başlayır. (İngilis dilində, Azərbaycan dilinə tərcümə ilə). Sərgi çərşənbə - bazar, saat 14:00-dan 20:00 qədər davam edəcəkdir.