Tələbələr üçün “Vəkil olmaq istəyirəm” adlı qış məktəbi

Tələbələr üçün “Vəkil olmaq istəyirəm” adlı qış məktəbi keçiriləcək.   Azərbaycan Respublikasının Vəkillər Kollegiyası-Azerbaijani Bar Association və Azərbaycan Gənclər Fondu birgə əməkdaşlıq çərçivəsində hüquqşünas tələbələrin qış tətilinin səmərəli keçirilməsi məqsədilə “Vəkil olmaq istəyirəm” adlı qış məktəbi təşkil edir.   Məktəb tələbələrin qış tətili günlərində 7-10 gün müddətində olmaqla, cari ilin fevral ayında keçiriləcəkdir.

Məktəbdə tələbələrin təcrübi biliklərə yiyələnməsi ilə yanaşı, asudə vaxtlarının maraqlı və rəngarəng keçirilməsi də təşkil ediləcəkdir.   Qış məktəbinə qəbul müsahibə yolu ilə həyata keçiriləcəkdir. Məktəbdə iştirak etmək arzusunda olan hüquqşünas tələbələr aşağıdakı keçid vasitəsi ilə qeydiyyatdan keçə bilərlər. İştirak ödənişsizdir. Qeydiyyat linki: https://forms.gle/LHb8MV7cHtJncyX57 Əlaqələndirici şəxs – Vəkillər Kollegiyasının Hüquqi Yardım və Tədris Mərkəzi tədris işləri üzrə koordinatoru Günay Sultanova (tel. 012-594-99-85, 050-377-70-80)