43 yaşında 9-cu sinif məzununun təhsil arzusu gerçəkləşdi

43 yaşında 9-cu sinif məzununun təhsil arzusu gerçəkləşdi.

1992-ci ilin hadisələri nəticəsində minlərlə insan məcburi köçkün statusu aldı və bu, bir çoxlarının həyatında yarımçıq qalan arzulara səbəb oldu. Bəziləri uşaqlığını, bəziləri gəncliyini, digərləri isə təhsilini itirdi. Təhsili yarımçıq qalanlardan biri də 43 yaşlı Şəhla xanım olub. 

Məcburi köçkünlük dövründə onun təhsilini davam etdirməsi üçün imkan yaranmayıb. Daha sonra ailə həyatı, övladlarının qayğıları səbəbindən məktəb arxa planda qalıb. Lakin uzun illərdən sonra — 2025-ci ildə Regional Təhsil İdarələri tərəfindən təşkil edilən eksternat imtahanına müraciət edərək təhsil arzusunu reallaşdırmaq üçün addım atıb. 

Prosesə görə,  Regional Təhsil İdarələrinin təşkil etdiyi aralıq imtahanda uğur qazananlar Dövlət İmtahan Mərkəzinin təşkil etdiyi buraxılış imtahanında iştirak hüququ əldə edirlər. Şəhla xanım hər iki imtahandan uğurla keçərək 43 yaşında ümumi orta təhsilini rəsmi qaydada başa vurub.